محمد سامي لرامز جلال: "بحبك أكتر من مي عمر"
الجمعة - 14 مارس 2025 - الساعة 01:28 م بتوقيت العاصمة عدن
"عدن سيتي "متابعات
وقع المخرج محمد سامي ضحية مقلب في برنامج "رامز إيلون مصر"، الذي يقدّمه الفنان رامز جلال على شاشة قناة MBC مصر، عقب أذان المغرب مباشرةً.
وفي بداية الحلقة وصف رامز جلال محمد سامي قائلًا: "المخرج بقى يتشهر بسبب خناقاته مصنف كمخرج كبير لكن مشاكله كتير، قهر ياسمين صبري لدرجة إنها فكرت تشتغل مضيفة، ونسرين أمين من غلبها كشفت راسها، ودعت عليه في كل البوستات، أنت إيه يا عم محدّش عاجبك ورافع حواجبك".
وأضاف: "فوق كل ده... الرئة عنده فيها تضخم هيشوف كل ألوان العذاب، من الآخر هبدله زي ما بيقول الكتاب، مش بعيد يكتب اللي حصلّه النهاردة في عمل درامي".
وسخر رامز جلال من إطلالة محمد سامي عقب وصوله الى البرنامج قائلاً: "الريس سندق وصل، دي جزمة تشارلي تشابلن، مي شافتك وإنت نازل باللبس ده؟ البنطلون ده مدي على عبد الفتاح القصري في نورماندي تو، وإيه كمية الصيغة دي؟ سامي فلتقوس تاجر مجوهرات، وبالنسبة لشعرك، إنت داهنه فلوت؟". وتابع: "الواد محمد سامي خاسس جامد، ده يا إما حقن أو شال الفشة، والبنطلون ده عايز أغنية جيتك من آخر لبنان".
وخلال المقلب، عاش سامي لحظات صعبة، حيث واجه الصعقات المتتالية في فقرة "السرير الدوّار"، وبدأ يردد "يا نهار إسود"، وبمجرد أن كشف رامز جلال عن نفسه، قال: "الله يخرب بيتك، بلاش قذارة".
وحاول محمد سامي إقناع رامز جلال بفك قيود "السرير الدوّار" قائلًا: "بحبك أكتر من مي عمر".